www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Дубайдын мураскор ханзаадасы Өзбекстанда аңчылык кылып жүрөт

Айдар Нуралиев 18-октябрь 2019, 09:45

Саясат Коом Дүйнө жүзүндө


Дубайдын мураскор ханзаадасы Өзбекстанда аңчылык кылып жүрөт

Дубайдын мураскор ханзаадасы шейх Хамдан ибн Мохаммед Аль Мактум Өзбекстанга келип, куш салып аңчылык кылып жүрөт. Өзбектер сыйлуу коногуна Навои облусунда аңчылык тур уюштуруп беришкен. Бул тууралуу ханзаада өзүнүн Твиттердеги баракчасына жазган.

Новои облусунда тоодактарды көбөйтүү жана сактоо боюнча борбор бар. Борбор 2008-жылы Дубайдын эмири Мохаммед ибн Рашид Аль Мактумдун демилгеси менен ачылган. Бул убакыт ичинде борбордун кызматкерлери 10 миңдей тоодакты эркиндикке кое беришкен.

Падышанын үй-бүлө мүчөлөрүнүн өкүлдөрү буга чейин деле Өзбекстанда аңчылык кылып келишкен. Акыркы жолу мына ушундай аңчылык 2015-жылы болгон.

Белгилей кетсек, мындан 3 күн мурун Казакстандын бийлиги да Катар менен БАЭнин 4 эмирине өлкөнүн коруктарында тоодактарга аңчылык кылууга уруксат бергени маалым болгон.

Маалыматка караганда, шейхтер жалпысынан 270тен ашуун тоодакка аңчылык кыла алышат. Аңчылык убагында алар өздөрүнүн шумкарларын пайдалана алышмакчы.

Ар бир тоодак үчүн алар 656 миң 500 тенге (118 миң сом) төлөшмөкчү.

ВИП-аңчылар Казакстандын Алматы, Жамбыл, Кызыл-Ордо, Мангистаус жана Түркестан облустарында тоодактарга аңчылык кыла алышат. Бул аймактардын жетекчилигине аңчылыкка байланыштуу тиешелүү жардамдарды уюштуруп берүү милдеттендирилген.

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83