www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Милиция экстремисттик маанидеги китептерди жана атуучу куралдарды тапты

Айдар Нуралиев 18-октябрь 2019, 11:08

Кылмыш жана кырсык Коом


Милиция экстремисттик маанидеги китептерди жана атуучу куралдарды тапты

2019-жылдын 8-октябрь күнү саат 07-00 чамасында Жалал-Абад шаарында жана Базар-Коргон районунун Арстанбап, Кеңеш айылдарындагы такталган даректерге, Кыргыз Республикасынын КЖКнин 315-беренеси менен ачылган сотко чейинки өндүрүш иштеринин алкагында, кылмышка шектүү делген 5 жарандын жашаган турак-жайларына тинтүү жүргүзүлгөн. Тергөө жана ыкчам иликтөө иштери Ноокен райондук соту тарабынан турак-жайларды тинтүү үчүн берилген уруксат токтомунун негизинде, Жалал-Абад ОИИБнин жана Базар-Коргон РИИБнин тергөө тобу жана экстремизмге, мыйзамсыз миграцияга каршы аракеттенүү кызматы тарабынан ишке ашкан. Бул тууралуу Жалал-Абад ОИИБнин басма сөз кызматы билдирди.

Маалыматка караганда, тинтүү боюнча жүргүзүлгөн тергөө амалдарынын натыйжасында, аталган даректерден «Хизбут-Тахрир» диний экстремисттик агымына таандык болгон 8 даана китеп жана тыюу салынган диний көз караштагы жазмалары бар  блокнот, «Lenovo» үлгүсүндөгү ноутбук, андан тышкары оңдолуп жасалып жаткан 2 даана ок атуучу курал, 4 даана газотравматикалык ок атуучу куралдын бөлүктөрү, көптөгөн «Samsung» үлгүсүндөгү телефондор табылып алынды. Бардык шектүүлөрдүн «Одноклассник» социалдык тармактагы баракчаларынан экстремисттик маанидеги видеолорду таратып жаткандыгы аныкталган. Алынган буюм-далил жана экстремисттик материалдарга тиешелүү экспертизалар дайындалды.

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83