www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
"Коррупция менен күрөшөбүз!" деген ураанды айтууга мындан ары эч кимдин моралдык укугу жок

Бакыт Молдалиев 19-октябрь 2019, 10:06

Саясат


"Коррупция менен күрөшөбүз!" деген ураанды айтууга мындан ары эч кимдин моралдык укугу жок

Бул тууралуу мурунку Убактылуу өкмөттүн мүчөсү, коомдук ишмер Эмилбек Каптагаев соцтармактагы өзүнүн баракчасына жазып чыкты.

"Коррупция менен күрөшөбүз" - деген ураанды айтууга мындан ары эч кимдин моралдык укугу жок... күрөштүн жыйынтыгы ушундай болуп жаткандан кийин... Пара алып, анысы далилденип 12 жылга соттолгон кылмышкер бир жылда бошоп, эркиндикке чыгып жатса, эми президент Сооронбай Жээнбеков элге чыгып эмне деп айтат, билбейм... Кармап, камап, соттоп убара болбой эле “жегиле, ичкиле, алгыла, жулгула, баарыңырга эрикиндик!” деген мыйзам кабыл алып коюу керек. Иштин өңүтү ошол жакты карай бара жаткандан кийин...”, - деп жазат анда Каптагаев.

Анын минтип жазышына Автотранспортту каттоо жана айдоочулук күбөлүк берүү департаментинин Бишкек шаардык бөлүмүнүн мурдагы башчысы Насирбек Алмаматовду пара алууга байланыштуу айыптап, 12,5 жылга эркинен ажыратуу боюнча райондук соттун чечими 3 миллион 300 миң сом айып пул салууга алмаштырылганы жана анын ал акча менен эркиндикке чыгып кетиши себеп болгон.

Учурда 12 жылдан ашуун мезгилге эркинен ажыратылган Алмаматовдун мындай жол менен эркиндикке чыгып кетиши бир гана Каптагаевдин эмес, бүгүнкүбүздөн жакшылыктарды үмүт этишкен жалпы коомчулуктун нааразычылыгын жаратууда.

Балким, президенттин коррупция менен болгон күрөшүнө башка бир күчтөр атайылап көлөкө түшүргүсү келип жаткандыр. Президент акыры "Алмаматовдун акчасын алып чыгарып койгула" дебесе керек. Ай ким билет, ким билет...

Бул боюнча албетте, акыры жогорку бийлик өкүлдөрү үн катышаар...

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83