www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Азимжан Аскаров эми түрмө жетекчилигине каршы БУУга арызданды

Кызгалдак Жакыпова 22-октябрь 2019, 09:43

Саясат


Азимжан Аскаров эми түрмө жетекчилигине каршы БУУга арызданды

Өмүр бою эркинен ажыратылган укук коргоочу Азимжан Аскаров БУУнун Адам укуктары боюнча башкармалыгынын аймактык өкүлүнө, Евробиримдиктин Кыргызстандагы өкүлчүлүгүнө жана ЕККУнун Бишкектеги борборуна ачык кат жазды.

Катты Voice of Freedom коомдук фондунун төрагасы Абдумомун Мамараимов таратты.

Аскаров №19 түзөтүү колониясынын башчысы Н. А. Туруспеков мыйзамсыз иштерге барып жатат деп эсептейт. Анын айтымында, түрмө жетекчиси жолугушууларга чектөө киргизип, пенсия төлөп берүү боюнча талапты көңүл сыртында калтырууда. Укук коргоочу өзүнүн эле эмес, башка соттолуучулардын да укуктары бузулуп жатканын белгилеген.

– Эл аралык коомчулук Кыргызстан бийлигин БУУнун Адам укуктары боюнча комитетинин чечимин аткарууга жана мени токтоосуз түрдө бошотууга чакырып жатканда, №19 түзөтүү колониясынын башчысы мени шылдыңдап, үй-бүлөм менен жолугушууга тоскоол болууда, – деген Аскаров.

Ал июнь окуясы боюнча соттолгондор БУУнун Адам укуктары боюнча башкармалыгынан жана башка эл аралык уюмдардан бул ишти караган соттордун жана адвокаттардын көз карандысыздыгынын деңгээлин аныктоону жана кыйноо тууралуу даттанууларды текшерүүнү күтүп жатканын белгилеген.

Жалалабаддык укук коргоочу Азимжан Аскаров «Базар-Коргондо 2010-жылдагы кандуу калабаны уюштурган» деген айып менен соттолуп, өмүрүнүн аягына чейин эркинен ажыратылган. Ал азыр Чүйдүн Жаңы-Жер айылындагы №19 абакта кармалууда.

30-июлда Чүй облустук сотунун коллегиясы Аскаровду абактан бошотуу тууралуу өтүнүчтү канааттандыруудан баш тартты. Соттук процесске Британия, Германия, Швейцариянын элчиликтеринин жана Human Rights Watch эл аралык уюмунун, БУУнун адам укуктары боюнча комитетинин өкүлдөрү көз салды.

Мамлекеттик айыптоо өмүрүнүн аягына чейин кесилген адамдын иши кайра каралууга жатпай турганын билдирген.

NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83