www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Сүрөт. Президент Сооронбай Жээнбеков Токио шаарындагы «Toshiba Energy Systems and Solutions» компаниясынын заводуна барды

Айдар Нуралиев 23-октябрь 2019, 15:12

Расмий кабарлар


Сүрөт. Президент Сооронбай Жээнбеков Токио шаарындагы «Toshiba Energy Systems and Solutions» компаниясынын заводуна барды

Кыргыз Республикасынын президенти Сооронбай Жээнбеков бүгүн, 23-октябрда, Японияга иш сапарынын алкагында Токио шаарындагы «Toshiba Energy Systems and Solutions» компаниясынын башкы кеңсесине жана заводуна барды. Бул тууралуу президенттин аппаратынын басма сөз кызматы билдирди. 

Маалыматка караганда, мамлекет башчысы заводдун гидротурбиналарды жана генераторлорду чыгаруу боюнча ишмердиги жана өндүрүштүн жүрүшү менен таанышты.

Компаниянын жетекчилиги менен баарлашууда президент Кыргызстан менен Япониянын эки тараптуу экономикалык кызматташтыгын кеңейтүү жаатында инфраструктуралык жана гидроэнергетикалык долбоорлорду ишке ашыруу багыттары актуалдуу экенин белгиледи.

Япониялык ири компаниялардын Кыргызстанга болгон кызыгуусу артып жатканын канааттануу менен баса белгиледи.

«Биз „Toshiba“ корпорациясынын ишмердиги менен жакшы таанышпыз. Өлкөнүнүн чоң гидроэнергетикалык потенциалын эске алып, япон тарап, анын ичинде Сиздин компанияңыз менен да бул багытта биргелешкен кызматташуу мүмкүнчүлүгүн карап жатабыз», — деп белгиледи Сооронбай Жээнбеков.

«Toshiba» корпорациясынын президенти Сатоши Цунакава компаниянын тарыхы жана ишмердиги жөнүндө кеңири айтып берди. 80% энергиясы гидроэлектростанцияларда иштелип чыккан Кыргызстандын гидроэнергетикалык бай ресурстары жөнүндө билерин белгиледи.  Ал япон алдыңкы технологияларын колдонуп, Кыргызстан менен өз ара пайдалуу кызматташтыкты өнүктүрүүгө кызыкдарлыгын билдирди.

Корпорациянын тажрыйбасы жана ишмердигинин тарыхы жөнүндө айтып берди. «Toshiba» ишмердүүлүгүндө төрт багытка артыкчылык бергенин, анын бири гидроэнергетика экенин белгиледи.

Ошондой эле ишке ашырылып жаткан долбоорлор жөнүндө маалымат берип, Японияда жана дүйнөнүн башка өлкөлөрүндө гидроэлектростанциялар, жылытуу электр станциялары, атомдук станциялар үчүн чыгарылып жаткан продукциялары тууралуу кеңири айтып берди.

«Toshiba Energy Systems and Solutions» компаниясы «Toshiba Corporation» ири трансулуттук корпорациясынын бир бөлүгү болуп саналат жана энергетикалык системаларды чыгарууга адистештирилген.

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83