www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Чолпон Абыкеев, жазуучу: “Кыргыз ырлары Кремлде жаңырып тургандын эмнеси жаман?”

Бакыт Молдалиев 24-октябрь 2019, 12:55

Коом Маданият


Чолпон Абыкеев, жазуучу: “Кыргыз ырлары Кремлде жаңырып тургандын эмнеси жаман?”

Кечээ, 23-октябрда Москванын Кремль сарайында кыргыз ырчысы Самара Каримованын концерти өтүп, бүгүн интернет айдыңында ал концерттин өтүшү тууралуу эки тараптуу пикирлерди жараткан талкуу башталды.

Ошентсе да албетте, оң пикирлер басымдуу.

Алардын бири, жазуучу Чолпонбек Абыкеев Самарага ийгилик каалап, чыгармачылык жолдун татаал, азабы арбын болоорун, ага чыдаган гана инсан көздөгөн максатына жете алаарын кеңеш катары айткан пикирин жазды.

“Самара кызыбыздын Кремлде койгон концерти тууралуу соцтармактарда түрдүү пикирлер айтылууда. Бул эми, бир чети мыйзам ченемдүү көрүнүш. Ошондо да сынына караганда сыймыгы көп айтылса дейт элем. Кантсе да Кремлде кыргыздын чыгаан таланттары күн ара концерт берип жаткан жок го...

Кыргыз үнү, кыргыз ырлары Кремлде жаңырып тургандын жаман жагы барбы? Сын айтыш оңой. Ал эми Кремлде концерт берүүгө жетишкендей иш жасоо - оор түйшүк. Эмгекти, түйшүктү ошондой иш жасаган адам гана билет. Өмүрү чеке жылытаарлык иш колунан келбегендер интернетте олтуруп алып сын айта бергенди билет. Бирөөлөрдүн жетишкендигин көрө албагандар да ошондойлордун арасынан көп чыгат. Самара кызыбызга болсо андан жашы улуу адам катары айтар каалоом; Самара, өргө чыгуу жеңил эмес. Ашуунун белине чыгуу, чокуга чыгуу чеке тердеген кайратты, тынымсыз эмгекти, чыдамкайлыкты талап кылат. Бут жооруйт, бел ооруйт. Жолуңдан керек болсо таштар кулайт. Чыдагандар көздөгөн жерине жетет. Чыдабагандар жолдон артка кайтат. Мындай татаал жолдо кулап кеткендери да болот. Өр жолдо баратасың. Чыдамдуу болуп бийиктикке чыгууңа тилектешмин!”, - деп айтылат жазуучунун баракчасында.

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83