www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg

Өз тарапташтарын "сатты" деген Алга акыры үй камагына чыкты

Бакыт Молдалиев 26-октябрь 2019, 09:10

Саясат


Өз тарапташтарын "сатты" деген Алга акыры үй камагына чыкты

Учурда УКМКнын тергөө абагында жаткан мурунку президент Алмазбек Атамбаевдин жакын адамы саналган Алга Кылычев үй камагына чыкты. Бул тууралуу бүгүн, 25-октябрда Биринчи Май райондук сотунун өкүлү маалымат таратты.

Андагы маалыматка ылайык, Кылычев тергөө менен кызматташуу келишимине макул болгон жана анын жактоочусунун берген өтүнүчү менен ал үй камагына чыгарылган.

Эскерте кетсек, ушул жылдын 7-8-августунда Кой-Таш айылында Атамбаевди кармоо операциясы учурунда эл менен милиция  кызматкерлеринин ортосунда кагылышуу болгон. Анда УКМКнын бир офицери окко учуп, 100дөн ашуун жаран ар кандай деңгээлдеги жаракаттарды алышкан. Эртеси, 8-августта, сүйлөшүү жолу аркылуу Атамбаев багынып, камакка алынган. Ал эми ошол күндөрү Алга Кылычев Атамбаевдин башка тарапташтары менен биргеликте башаламандык уюштурган деп айыпталып, камакка алынган.

Кийинчерээк Кылычев тергөө учурунда Атамбаевге, КСДПнын мүчөлөрү Кундуз Жолдубаевага, Амантур Жамгырчиевге, Мээрбек Мискенбаевге жана Атамбаевдин жан сакчысы Канат Сагымбаевге каршы көрсөтмө бергени тууралуу Атамбаевдин жактоочусу Замир Жоошев маалымат тараткан. Бул боюнча ушул күнгө чейин Кылычевдин тарапташтары ак же көк деше элек.

Булак: NazarNews.kg

 

 


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83