www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
 Дастанбек Жумабеков Жапониянын Кыргызстандагы Атайын жана толук ыйгарым укуктуу элчиси Маэда Сигекини кабыл алды

Айдар Нуралиев 28-октябрь 2019, 18:31

Расмий кабарлар


 Дастанбек Жумабеков Жапониянын Кыргызстандагы Атайын жана толук ыйгарым укуктуу элчиси Маэда Сигекини кабыл алды

Бүгүн, 28-октябрда Кыргыз Республикасынын Жогорку Кеңешинин Төрагасы Дастанбек Жумабеков Жапониянын Атайын жана толук ыйгарым укуктуу элчиси Маэда Сигекини кабыл алды.  Бул тууралуу Жогорку Кеңештин басма сөз кызматы билдирди.

Маалыматка ылайык, Алгач Төрага Дастанбек Жумабеков Маэда Сигекини Жапониянын Кыргызстандагы Атайын жана толук ыйгарым укуктуу элчиси болуп дайындалышы менен куттуктап, ишине ийгиликтерди каалады.  

“Кыргызстан Жапония менен өз ара кызыкчылыкка шайкеш келген бардык багыттагы, анын ичинен экономика, маданият жана туризм тармактары боюнча эки тараптуу кызматташууну бекемдөөгө кызыкдар”, – деген Төрага экономикалык байланыштардын мүмкүнчүлүктөрү арбын экенине, айрыкча жеке ишкерчиликке тиешелүү шарттар толук пайдаланылбай жатканына токтолду.   

“Биздин өлкө инвестиция тартууну жана Кыргызстан менен Жапония ишкерлери ортосундагы соода-экономикалык алакаларды кеңейтүүнү көздөйт. Андыктан, сиздин адискөй ишмердүүлүгүңүз, билимиңиз жана тажрыйбаңыз тышкы соода тармагыбыздын өнүгүшүнө, эки тарапатуу экономикалык байланыштарыбыздын жакшырышына өбөлгө болот деген ишеничтемин”, – деди Төрага Дастанбек Жумабеков.

Өз кезегинде Жапониянын Атайын жана толук ыйгарым укуктуу элчиси Маэда Сигеки жылуу кабыл алгандыгы жана айткан куттуктоосу үчүн Төрага Дастанбек Жумабековго ыраазычылык билдирип, кыргыз-жапон мамилелерин мындан ары өнүктүрүү боюнча элчилик милдеттерин толук аткарууга тынымсыз аракет көрөрүн кошумчалады.    

Ошондой эле жолугушууда тараптар парламенттер аралык кызматташтыкты арттыруу жана эки өлкөнүн достук байланыштарын чыңдоо багытындагы мүмкүнчүлүктөрдү талкуулашты.     

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83