www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Милициянын жардамчылары борбор калаанын көчөлөрүнө илине баштады

Алтын Булат 29-октябрь 2019, 17:37

Коом


Милициянын жардамчылары борбор калаанын көчөлөрүнө илине баштады

Бишкекте адамдын жүзүн тааный турган 60 камера орнотулат. Бул боюнча ИИМдин басма сөз кызматы маалымдады. Ага таянсак, эл аралык донорлордун жардамы менен келген бул видео көзөмөлдөгүчтөр шаардын “кооптуу” аймактарында орнотулуп баштады.

Ошондой эле «Коопсуз шаар» долбоору боюнча 306 жерге видеокамера орнотуу пландалууда. Бул долбоордун алкагында Бишкек шаарынын алты кичирайонунда «Коопсуз район» долбоору ишке кирип, 72 камера коюлган. Жакын арада Бишкектин 11, 12 жана «Асанбай» кичирайондоруна да видеокамераларды орнотуу каралууда.

Бул иштер Бишкекте түзүлгөн «Командалык борборду» ишке киргизүүнүн алкагында аткарылып жатат. Министрлик аталган борбордун максаты - кылмыш болгон жерге ыкчам чыгуу, коомдук коопсуздукту, жол коопсуздугун камсыздоо экенин кабарлады.

Эске сала кетсек, «Коопсуз шаар» долбоорунун биринчи этабы быйыл февралда башталып, анда «Вега» компаниясы 35 миллион долларга 110 көзөмөл камера-комплексин орноткон. Долбоордун экинчи баскычын кытайлык «Shenzhen Sunwin Intelligent Co. Ltd» компаниясы утуп алган. Алар жалпысы 2 654 558 940 сомго иш аткарышат.

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83