www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Бандит, чаласпортик, сабатсыздардын парламентке баруусуна бөгөт коюу керек!

Бакыт Молдалиев 30-октябрь 2019, 16:04

Саясат


Бандит, чаласпортик, сабатсыздардын парламентке баруусуна бөгөт коюу керек!

Мындай пикирин Бишкектеги Биринчи Май районунун акиминин орун басары Мавлян Аскарбеков "24.kg" маалымат агенттигинин парламенттин иштөө мөөнөтүн кыскартуу тууралуу сурамжылоосуна жооп берип жатып билдирди.

- Бандиттерди, чала спортчуларды, окуй же сүйлөй албагандарды, жер саткандарды, соодагерлерди, түшүнүксүз адамдарды Жогорку Кеңешке алып келбеш керек! Ошондуктан Жогорку Кеңештин сапатын көтөрүү үчүн, мөөнөтүн кыскартып эмес, шайлоо мыйзамын оңдоп-түзөө керек. Тилекке каршы, жергиликтүү кеңештеги, Жогорку Кеңештеги депутаттар дагы «эптеп кийинки, эмдиги шайлоодон өтүп алсам» деген эле ой менен жашап калышты, - дейт анда аткаминер. 

Аталган агенттик «Өнүгүү-Прогресс» фракциясынын депутаты Бакыт Төрөбаевдин Жогорку Кеңештин иштөө мөөнөтүн үч, же төрт жылга чейин кыскартуу боюнча сунушунун тегерегинде айрым саясатчыларга, аткаминерлерге суроо салган. Айтмакчы, Төрөбаевдин айткан аргументи боюнча, депутаттар 2-3 жыл иштегенден кийин эл алардан тажап калат экен.

Төрөбаевдин бул сунушуна каршылыгын билгизген Аскарбеков көтөрүлүп жаткан маселе өтө орчундуу экендигин, тилекке каршы, тескерисинче, депутаттардын азыркы 5 жылдык мандат мөөнөтүн андан дагы узартуу жолу ыңгайлуу болоорун айтат.

- Себеби, 2020-2021-жылы бизде жүздөгөн шайлоо өтөт. Жергиликтүү айылдык кеңештерден баштап Жогорку Кеңешке чейинки эл өкүлдөрүн бекитебиз. Анын баарына бюджеттен эле бир топ каражат кетет, - деп кошумчалайт Аскарбеков.

Аскарбеков Жогорку Кеңештеги бандит, чала спортик, сабатсыз депутаттар кимдер экенин албетте, так айтып бере алган эмес.

Ушул жылдын башында, тагыраагы, 2019-жылдын 30-январында Kaktus.media интернет басылмасы Жогорку Кеңештин азыркы, VI чакырылышында мурун-кийин депутат болуп келген айрым инсандардын кримдүйнөгө аралашкандары же чоң муштумдуулуктары тууралуу криминалдык сводкаларга таянып макала жарыялаган.

Анда “Кыргызстан” партиясынан депутат болуп парламентке барышкан Урмат Самиев жана азыр Алматынын түрмөлөрүнүн биринде отурган Дамирбек Асылбек уулу, “Өнүгүү-Прогресстен” мандат алып, кийин ал фракциядан чыгып кеткен Тазабек Икрамов жана ошол эле “Өнүгүүдөн” алгач депутат болуп, кийин айыл чарба министри болуп бир топ убакыт иштеп калган Нурбек Мурашевдин мурда-кийин жасаган кылмыш иштери, же шектүүлүктөрү тууралуу баяндалат.

Булак: NazarNews.kg

 


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83