www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg

ВИДЕО (18+) - Аскердик бөлүктө кыргын салган жоокердин окуя болгонго чейин кордолгон видеосу тарады

Бакыт Молдалиев 01-ноябрь 2019, 09:14

Видеолор Кылмыш жана кырсык


ВИДЕО (18+) - Аскердик бөлүктө кыргын салган жоокердин окуя болгонго чейин кордолгон видеосу тарады

Орусиянын Коргоо министрлиги тарабынан Забайкальеде ушул айдын 25-октябрында Шамсутдинов аттуу жоокер өзүнүн кызматташтарын жана эки офицерди атып өлтүргөн окуя боюнча түзүлгөн комиссия ал жоокердин аскер бөлүктөгү бир офицер менен жекече чатагы болгон деген жыйынтык чыгарды. Бул тууралуу орустардын айрым маалымат агенттиктери жазып чыгышты. Бирок, комиссиянын документтери расмий жарыялана элек.

Буга чейин ошол эле Коргоо министрлиги анын мындай кадамга барышы жоокердин нерв системаларына байланыштуу деген версияны айтышкан. Бирок, Шамсутдиновдун туугандары, тааныштары жана анын мурунку кызматташтары бул версияга ишенишпей тургандыктарын бир ооздон билдиришкен. Алардын айтым-божомолдорунда бул окуя ошол аскер бөлүгүндөгү “дедовщинанын” кесепетинен улам жүз берген.

Буга министрлик да, ал тараптан түзүлгөн комиссия да азырынча макул эмес. Комиссиянын жарыялана элек корутундусунда Шамсутдиновго карата эч кандай күч колдонулбаганы, психикалык гана күч келгени жана командирлердин алсыз көзөмөлдөрү гана көрсөтүлгөнүн агенттиктер жазышууда.

Дал ушул учурда, тагыраагы, бул маалыматтар жазылганынан бир күн өтпөй, бүгүн, 31-октябрда соцтармактарда жана ютуб каналында Шамсутдиновду офицерлер (балким офицерлер шыкаган жоокерлер) чектен ашып кордоп жаткан видео тарады.

Анда аны жыпжылаңач чечиндирип алышып, даараткананын унитазына башын салдырып, уруп-тээп, андан соң эки колун байлашып, көмкөрөсүнөн жаткан абалда үстүнө заара кылышып жатышканын көрүүгө болот. Жондору алган жаракаттарынан улам бүт кан.

Дал ушул версияны кечээ, 30-октябрда Забайкальедеги Жоокерлердин энелери комитетинин төрайымы Валентина Мордова айтып чыккан болчу.

Шамсутдиновдун видеодогу чачы менен колго түшкөн убактагы чачынын өсүү айырмасын салыштырсак, бул кордоо кандуу окуя жүз берээрден 10-15 күн мурун болгону байкалат.

Булак: NazarNews.kg

 


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83