www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Жээнбековдун туулган күнү жакындап келатат, кошоматчылар компоюп унчугушпайт

Темирлан Келдибеков 04-ноябрь 2019, 09:35

Аналитика


Жээнбековдун туулган күнү жакындап келатат, кошоматчылар компоюп унчугушпайт

Сооронбай Шариповичтин президент болгонуна көздү ачып-жумгуча эки жылдан ашык убакыт өтүп кетти. Жээнбековдун 2019-жылдын 16-ноябрында 61 жылдыгын өткөзбөй эле коюшубуз керек. Акаев менен Бакиев маараке өткөзөбүз дешип, 61 жашында оңкосунан кетишкен, Атамбаев менен Отунбаева 61 жашында президенттикти өткөзүп берди. 2019-жылдын 16-ноябрында бийликтин жаңыдан кызыгын көрө баштаганда Жээнбеков да 61 жашка толгону жатат. Негизи кыргызда алтымыш бир жаш символикалуу, дайыма президенттер алтымыш бир жашында бийликтен кетип жүрүшүп, бардыгыбыз  алтымыш бир жаштагы Жээнбековду жал-жал карап эми эмне болуп кетер экен деп турабыз.

Сооронбай Шариповичтин президент болгонуна эки жылдан ашык убакыт болуп кетти. Ушул жылдары олуттуу эмнелер бүттү? Завод, фабрика,  ГЭСтер курулган жок. Владимир Путин менен көрүшпөй калса сагынышып кетеби, улам-улам барып жатып эшигин жыртты. Ал эми Дональд Трамп менен 2018-жылы сентябрдын аягында Бириккен Улуттар Уюмунун жыйынында жолугуп келген. Кыргыз Нью-Йоркко барса да кыргыз. Көөкөрдү көйкөлтүп көтөрүп алышат экен. Бой, келбети жагынан Трампка тете биздин  президент анча-мынча президенттерди алдыга салбайт окшойт, анын үстүнө көтөргөн көөкөрү бар эмеспи. Орустар барышса «самогонун» салып алган деп ойломокпуз, казактар «шубатын», грузиндер «ча-часын» салып алмак, биз болсо көөкөргө толтура кымызды куюп алабыз.  Деги кымызыбыз АКШга жеткиче ачып-кычып кетпесе болду. «Кызды сураганга бер, кымызды ичкенге бер» дейт, кыз берели десек, Трампка кайсы кызыбызды беребиз, ансыз деле кыргыз эли салыштырмалуу азбыз, ал эми кымызды Трампка бере берсе болот.

Азизбек КЕЛДИБЕКОВ, NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83