Кечээ, 4-ноябрда саат 17:30да Чүй проспектиси менен Тоголок Молдо көчөсүнүн кесилишинде  Toyota Camry үлгүсүндөгү унаасы менен актёр Бакыт Осмонканов "Россия" кинотеатрынын аймагындагы тротуарга кирип бара жатканын видеого тартып алышкан.

Эмне себептен мындай кылганын актёр Sputnik маалымат агенттигине айтып берген.

"Унаам "Россия" кинотеатрынын унаа токтотуучу жайында турган болчу. Алдыма Mercedes үлгүсүндөгү авто токтоп алыптыр, же телефон номерин таштап койгон эмес. 10-15 мүнөттөй күтүп турдум. Радио эфирге шашып жаткам. Таксиге отура калайын десем жолдон бир дагы унаа көрүнбөдү. Аргам калбады", — деген ал.

Мындан сырткары, кырдаалдан чыгуунун башка жолун таба албай койгонун кошумчалаган.

Булак: NazarNews.kg