www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Сасык тумоо жана вирустук оорулардын республикадагы эпидемиологиялык абалы

Темирлан Келдибеков 06-ноябрь 2019, 12:55

Ден-соолук


Сасык тумоо жана вирустук оорулардын республикадагы эпидемиологиялык абалы

2019-жылдын 44-жумасында, 28-октябрдан  4-ноябрга чейин курч респиратордук вирустук инфекциялар боюнча эпидемиологиялык абал туруктуу. Өткөн 43-жумага салыштырмалуу  1,8%га төмөндө инт.көрсөткүч 55,4 түздү  (3503 учурга салыштырмалуу 3439 учур катталды). Ал эми былтыркы жылдагы 44-жумага салыштырмалуу 10,1%га төмөн катталды (2018-ж. 44-жумада инт.көрсөткүч 60,5 түзгөн). Бул тууралуу КР саламаттыкты сактоо министрлигинин басма сөз кызматы билдирди.

Саламаттык сактоо министрлиги тарабынан сасык тумоого каршы 150 534 доза "Гриппол плюс" вакцинасы сатылып алынып, тобокел топторго киргендерге (медициналык кызматкерлер, өнөкөт оорулар менен ооругандарга, тез-тез ооруган балдарга, балдар үйүнүн, мектеп-интернаттардын балдарына, кош бойлууларга ж.б. алар 600 миңден ашык адам) багытталган жана бардык региондорго таркатылып, 4-ноябрга карата  сасык тумоого каршы эмдөө иштери 92%га аткарылды.

Мындан сырткары, сасык тумоого каршы алдын ала эмдөө алууну каалагандарга Бишкек шаарынын менчик медициналык борборлорунда (Гиппократ, Малыш, Кроха, Цадмир, Доктор kg, №6, 8 ҮМБ) акы төлөөнүн негизинде (600-650 сом) жүргүзүлүүдө.

Сасык тумоо жана курч респиратордук вирустук инфекциянын алгачкы белгилеринде  жашаган жериңиздеги Үй-бүлөлүк медициналык борборлорго кайрылыңыздар.

Эсиңиздерге салабыз, эс алуу күндөрү Бишкек шаарындагы ҮМБлордо саат 14:00 чейин дарыгерлердин нөөмөтү уюштурулду.

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83