www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Билчү белеңиз? Дарыгерлерге электрондук жазылуу иштей баштады

Аман Аскаров 06-ноябрь 2019, 18:11

Коом


Билчү белеңиз? Дарыгерлерге электрондук жазылуу иштей баштады

Бишкекте үй-бүлөлүк медицина борборунун дарыгерлерине электрондук жазылуу иштей баштады. Бул тууралуу Саламаттыкты сактоо министрлигинин маалымат кызматы билдирди.

Маалыматка караганда, ооруп жаткан адам онлайн түрүндө керектүү дарыгерге жазылса болот. Мындан ары медициналык амбулатордук карталар пациенттердин келип кеткени, оорусу тууралуу бүт маалыматты камтып турат, башкача айтканда дарыгерлердин жумушун жеңилдетет. 
Бул жаңылык тууралуу аз эле адам билет, себеби электрондук жазылуу ушул жылдын ноябрь айынан баштап гана иштеп баштады.

Система Бишкекте жайгашкан үй-бүлөлүк медицина борборлорунун баарында иштеп жатат. Ошондой эле, Талас, Нарын, Ысык-Көл облустарында иштеген адистер да окутулду. Жакында системаны иштеп чыккандар Ош жана Жалал-Абад облустарына,  ал эми жылдын аягына чейин Баткен облусуна киргизүүнү убада кылышты.

Дарыгерге онлайн жазылуу үчүн registratura.med.kg сайтына кирип, “дарыгерге жазылуу” деген баскычты басканда кийинки пунктка автоматтык түрдө өтөсүз. Ал жактан телефон номериңизди жана паспорттогу ИИН жазасыз. Андан кийин сиз өзүңүз тууралуу маалыматты жазуу үчүн атайын бет ачылат. Ошол жактан баардык маалыматты көрсөтүп, кимге, кайсы бөлүмгө, кайсы күнгө жана убакытты тактап жазасыз. 
Онлайн түрүндө жазылгандан кийин үй-бүлөлүк медицина борборуна барганда регистратурадан талон берилет. Ошол талон менен дарыгерге барасыз.


Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83