www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Кылыч Шанаев: “Айыл өкмөт, депутат, акимдер аман эле болгула!”

Айдар Нуралиев 07-ноябрь 2019, 12:42

Турмуш Коом


Кылыч Шанаев: “Айыл өкмөт, депутат, акимдер аман эле болгула!”

Кылыч Шанаев аттуу Фейсбук колдонуучусу Чаткал, Ала-Бука, Аксы райондорунун унаа жолдорунун абалын видеого тартып жеке баракчасына жүктөгөн. Видеонун астына ал “Кудай буйруган күнү жолдорубуз оңолуп калаар. Ага чейин чыдабаска арга жок”, -деп жазган. Анын жазгандары толугу менен төмөндө:

“Өкмөткө өгөй регион!

1991-жылдан бери Кыргызстан жол куруу үчүн чет өлкөдөн 3 млрд 700 млн $ кредит алган. Кайсы региондун депутаттары же тың чыкмалары кыйын болсо, ошолордун айыл-кыштактарына чейин жолдору оңдолуп, бизге окшогон региондордун жолдору союз курган жол боюнча калып кеткен. Мисалга алсак, Чаткал, Ала-Бука, Аксы райондорунда 270 миңге чукул киши жашайт. Ал эми жолдун абалы болсо Афганистандын жолдорундай. 3 млрд 700 млн $ акча жалпы мамлекетке тиешелүү.

Ошол мамлекеттин ичинде 1 облуска тете 3 район дагы бар. "Эмне үчүн биздин жолдор жасалбайт" деген суроо туулбай койбойт. Кен байлыкты сатып миллиарддаган пайданы көргөн мамлекет бергенди билбейби? Жок дегенде ошол кен байлыктардан түшкөн акчаны жолубузга жумшаганда азыр биз мынчалык азап чекпейт элек. Дагы канча чыдайбыз билбейм.

Айтайын дегеним, ошол 3 млрд 700 млн $ акча бардык региондорго бирдей бөлүнсө.
Кимдер кыйын болсо эмес, кимдер муктаж болсо ошолорго берилсе. Бийлик биздин өрөөнгө өгөй балдардай мамиле кылганын токтотсо. Качан караба биз унутта калтырылабыз. Жолдор экономиканын күзгүсү. Дагы "Кыргызстанды туризм өлкөсү кылабыз" дегенине не дейсиң?
Жолдордун кейпи тиги болуп жатса кайдагы туризмдин өлкөсү? Кайдагы экономика?
Айыл өкмөт, депутат, акимдер аман эле болгула! Кудай буйруган күнү жолдорубуз оңолуп калаар. Ага чейин чыдабаска арга жок”.                    

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83