www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Эмил Үмөталиев, Kyrgyz Concept компаниясынын негиздөөчүсү: "ЕАЭБге киришибиздин айынан көп кыйынчылыктар күтүлөт"

Айдар Нуралиев 07-ноябрь 2019, 13:01

Саясат Экономика Маек


Эмил Үмөталиев, Kyrgyz Concept компаниясынын негиздөөчүсү: "ЕАЭБге киришибиздин айынан көп кыйынчылыктар күтүлөт"

- Акыркы убактарда 2020-жылдан тарта автоунаалар гана кымбаттабай, 160 аталыштагы товарлардын баасы көтөрүлөрү тууралуу да айтылууда. ЕАЭБге киришибиздин өйдө-төмөнү тууралуу кандай пикирдесиз?

- Мен «ЕАЭБге киребиз» дегенден бери эле пайдасына көзүм жетпей, факторлордун, мисалдардын жана ой жүгүртүүлөрдүн баары көбүрөөк зыян алып келерин далилдер менен бөлүшүп келгем. Андан бери он жылдай убакыт өттү. Ошондон бери массалык маалымат каражаттарына ачык эле маек берип, баардык жерде бажы биримдиги бизди экономикалык гана эмес, саясый дагы кризистерге чөктүрөрүнө көзүбүз жетип турганы тууралуу бөлүшүп жүрөм. Ошондуктан, бүгүнкү I 9 пайыздык тосмо күнү болуп жаткан көйгөйлөр мен үчүн эч кандай жаңылык эмес.

Бул он жыл мурда эле таанылган жана далилденип жүргөн көйгөйлөр. Азыркы баалардын көтөрүлүшү эмненин себебинен улам келип жатат? Эл менен эч кеңешпей, талкуулабай, ачык көрсөтпөй, бааларды жана келишимдерди элдин алдында ачык айтпай, аябай шашылыш түрдө кабыл алынган. Биздин мыйзамдар ар бир экономикалык чечимди өлчөп, анализ жүргүзүп жана коомчулуктун, элдин арасында көбүрөөк талкуулап, анан саясый чечим кабыл алынышы керек эле. Ал учурда ошол эрежелердин баары бузулган болчу.

- Мындан ары дагы кандай жагдайлар күтүлүшү мүмкүн?

- Мындан ары дагы оор болот. Бир гана товарлардын баасынын көтөрүлүшү эмес, деги эле башка көйгөйлөрү көбөйүп келе жатат. Ушул жуманын ичинде эле муну негиздеген Орусия чектөөлөрүн көбөйттү. Дүйнөнүн 200 өлкөсүнө саналуу төрт-беш өлкө биригип алып, 95 өлкөдөн чектелип, алар менен тирешип, аларга соода, экономикалык, саясый тиреш жүргүзүүгө чечкиндүү кадамдарын жасап жатат.

Биз оор акыбалда калганы турабыз. Турмуштун баардык шарттарында кыйынчылыктар күтүлөт. Коомчулук ага даяр болушу керек. Ал оор күндөрдө кантип элдин тынчтыгын сактоо керектигине өкмөт даяр болушу зарыл. Элдин алдыдагы көйгөйү, жашоо шарты тууралуу жалпы ойлонушубуз кажет.

Бул маек тууралуу бүгүн "АЗИЯnews" гезити жазып чыкты.

Булак: NazarNews.kg  


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83