www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Бишкектеги 11 кабаттуу үйдөн секирген кыз ооруканада каза болду

Алтын Булат 07-ноябрь 2019, 13:34

Коом Кылмыш жана кырсык


Бишкектеги 11 кабаттуу үйдөн секирген кыз ооруканада каза болду

Кыз ооруканага жеткирилгенден кийин, алган жаратынан улам эсине келе албай үч сааттан соң көз жумган. Бул тууралуу бүгүн, 7-ноябрда Саламаттыкты сактоо министрлиги тараткан маалыматта айтылат.

Маалыматка караганда, өтө оор абалында Бишкек шаардык Травматология жана ортопедия илим изилдөө борборуна жеткирилген ал кыздын башы катуу жабыркап, бир нече жери сынган.

Эске сала кетсек, кечээ, 6-ноябрда Киев жана Тыныстанов көчөлөрүнүн кесилишиндеги курулуп жаткан имараттын 11-кабатынан бир кыз секиргени жаткан видео социалдык тармакка таркаган болчу. Бирок ал видеодо кыздын кулаган жери тартылган эмес. Анткен менен кийинчерээк көпчүлүктүн көз алдында бир кыз имараттан секирип кеткени жөнүндө маалымат тараган.

Бул тууралуу Бишкек милициясы курулуш таштандыларынын үстүнө түшкөн ал кыз тирүү калганын билдирген. Ошондой эле аны “Тез жардам” унаасы ооруканага алып кеткени айтылган.

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83