www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg

Текебаев Рыскелди Момбеков сыяктуулардын деликатес тамактарына эттенип баратабы?

Темирлан Келдибеков 11-ноябрь 2019, 11:31

Аналитика


Текебаев Рыскелди Момбеков сыяктуулардын деликатес тамактарына эттенип баратабы?

Атамбаев жөн жерден шорлотуп, камактын “шорпосун” татып келген  Өмүрбек Чиркешович Чотонов менен чиркелип алып, тамактын жаагын айрып жүргөндөй. Отуз жылдан бери  кыргыз саясатына белчесинен баткан Текебаев камактан чыккан соң Нельсон Мандела, Сальвадор Далиге айланып кыргыз саясатынын бүркөк жерлерин ачып, кызуу кандуулук менен кайрадан саясаттын “олимпине” чыгат деп болжоп келинген. 2015-жылдагы парламенттик шайлоодо Атамбаевдик бийлик канчалык бут тоспосун “өлбө жаным өлбөлөп” Мелис Мырзакматовдун “Улуттар Биримдиги” менен биригип Жогорку Кеңешке келген.

2016-жылга чейин дым унчукпай, бийликтин обонун созушуп келген Текебаев, президент алмашарын далысынан сезип, 2016-жылы Конституциялык референдумду шылтоолоп, Алмазбек Атамбаевге акыйнек айта баштайт.  Акыйнектин аягы жамандык менен бүттү. 2017-жылдын февралында Орусия президенти Владимир Путин иш сапары менен Бишкекке келген учурда  “Белизгейттеги” калпты таптым деп чет мамлекеттен учуп келаткан Текебаевди эки бүктөп камакка жашырып коюшат. Ошол кагазды камактан чыкты, эми деле жарыялап койсо болмок. Ал кагазды жарыялагандын ордуна Атамбаев президент кезинде “саясий рупоруна” айланган, азыр оозуна талкан сугунуп алгансып унчукпас эстеликке айланып бараткан депутат Рыскелди Момбековдун үйүндө чучук, карта, жылкынын деликатес чүйгүн даамдарын жеп, эттенип бараткандай. Анан эмне кылат, анткени 7 пайыздык тоскоолдуктан араң өткөн “Ата-Мекен” эми 9 пайыздан кантип өтөт? Грузиядагыдай парламентке өтө турган тоскоолдукту алып салбаса же тоскоолдукту азайтпаса?

Азизбек КЕЛДИБЕКОВ, NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83