www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg

Өзбекстанда сот блогер Оллашукурованы жиндиканада калтырды

Бакыт Молдалиев 29-ноябрь 2019, 15:20

Дүйнө жүзүндө


Өзбекстанда сот блогер Оллашукурованы жиндиканада калтырды

27-ноябрда Хорезм облусундагы жарандык иштер боюнча сот блогер Нафосат Оллашукурованы психиатриялык ооруканадан чыгаруу тууралуу адвокаттын өтүнүчүн четке какты.

- Сот үч дарыгерден турган комиссиянын 27-ноябрдагы корутундусуна таянып чечим чыгарды. Анда блогер дарылануусун улантышы керектиги жазылган, - деди адвокат.

Анын айтымында, соттун Хорезм облустук психоневрологиялык ооруканасында өткөн көчмө жыйынына Нафосат Оллашукурова дагы катышты. Ал бул чечим менен макул эмес экенин жана Жогорку сотко кайрыла турганын билдирди.

Быйыл сентябрда Үргөнч шаарынын административдик соту блогерди «бейбаштык кылган» жана «уруксат берилбеген акцияга катышкан» деп 10 күнгө кескен. Кийин ал психиатриялык ооруканага жаткырылган. Блогер хорезмдик акын, журналист Махмуд Ражабдын Ташкентке жөө жүрүшүн «Фейсбукта» чагылдырып жүргөн.

Буга чейин бир катар эл аралык уюмдар Оллашукурованы колдогон билдирүүлөрдү жасап, өзбек бийлигин аны бошотууга чакырышкан.

Октябрдын аягында өлкөнүн акыйкатчысы башында турган атайын комиссиянын мүчөлөрү Хорезм облустук психоневрологиялык ооруканасына барып, блогер менен жолугуп чыгышкан. Анда комиссиянын курамындагы активист Оллашукурова бир нече жолу оорулуу эмес экенин кайталап, клиникадан чыгарууну өтүнгөнүн билдирген.


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83