www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg

ВИДЕО - Саймаити кайсы, кимдин акчалары тууралуу айткан? Же Өзбекстандан Кыргызстанга агылган миллиондор

Бакыт Молдалиев 30-ноябрь 2019, 12:25

Видеолор Саясат


ВИДЕО - Саймаити кайсы, кимдин акчалары тууралуу айткан? Же Өзбекстандан Кыргызстанга агылган миллиондор

Саймаити кайсы, кимдин акчалары тууралуу айткан? Далилдерди ким бурмалап жатат? Азыр чечмелейбиз... Көңүл буруп окуңуздар!

“Азаттыктын” иликтөөсүндө биз Саймаити айткан “акчаларды адалдоо” жолу менен акча которуп турушканын бир нече кытай ишкерлердин моюндаганын көргөнбүз. Банктар аркылуу бир өлкөдөн экинчи өлкөгө акчаларды айдап, пайызына миллиондогон пайдаларды таап турушкан профессионалдарга эмне болду? Болбосо бул туурасында маркум Саймаити да анын Кыргызстан аркылуу акча которуу кызматынан пайдаланып келишкен өзбекстандык коммерсанттары боюнча да айткан. Баарыбыз билебиз, Өзбекстанда мындай операцияларды жасоого болбойт. Ал эми акчаларды кандай гана жол менен болбосун сыртка-товарга (же товардан түшкөн акчаны) чыгарып туруу керек. Саймаитинин өзбек ишкерлери менен мамилеси жакшы болгон, бирок, ага Кыргызстан банк системасынан мындай операцияларды жасоого ким жол берген? Бул деген катардагы адамдар которгон 200-300 доллар эмес, ал миллиондор менен мындай иштерди кылып келген. Ал кимдин калкалоосунун астында бул операцияларды жасаган? Албетте, бул катардагы банк кызматкерине да белгилүү, ал убакта жеке Атамбаевдин же анын жакындарысыз мындай миллиондогон суммадагы операциялар болмок эмес. Негизинен 100 000 доллардан ашкан акча которуу болсо, ал дароо шек жаратып, каттоого алынат. А Саймаити беймарал миллиондогон долларларды которуп келген. Эми бул боюнча баарына “айыптар” кадалып, бирок негедир атамбавчилерге эч ким унчукпай келишет. Балким ошол “унчукпагандар” да кандайдыр бир үлүштө олтургандыр. Албетте, азыр бул маанилүү эмес, бирок, далил далил боюнча калат.

Эми негизги темага келели. Өлкөдө чуу жараткан 700 млн доллар каяктан келген? Ал Кыргызстан элинин уурдалган акчасыбы же?..

Төмөнкү видеодо биздин жашоодо акчалар кантип, кандай жолдор менен кайда агып жатканын түшүнсөк болот.

Жогоруда айтып өткөндөй Өзбекстанда акча которуу операциясы өтө оор же миллиондогон долларларды четке чыгаруу такыр эле мүмкүн болбогондуктан, ал жактагы ишкерлер ар кандай жолдор менен: мүшөктөп, чемодандап, автоунаалардын ар жерлерине катып Кыргызстанга алып өтүүгө аракет кылышат. Кармалбай Кыргызстанга “аман-эсен” келип алган миллиондор албетте, мындан ары биздеги банк системасы аркылуу дүйнөнүн каалаган банкына которула алат. “Крыша” болсо, албетте.  

Саймаити дал ушул мүмкүнчүлүктү толугу менен, кеңири колдонуп келген, болгондо да Атамбаевдин жеке калкалоосу менен. Алар муну менен керек болсо бир күндө миллиондогон долларлар пайда таап турушкан.

Бирок, Саймаитинин бул “ишмердүүлүгү” Батыштын атайын кызматкерлерин кызыктырбай койгон эмес. Аны маалымат алыш үчүн коркутушкан, башын айланткан, анан керектүүсүн айттырып алышкан соң, иштин аягын жабуу үчүн аны менен “эсептешип” коюшту. “Мавр өзүнүн ишин кылды - мавр эми “кете” берсе болот”.

Ишенбесеңер мына, менин сөздөрүмө далил видео. Мында кошуналар накталай миллиондогон акчаларды адалдоо, же сыртка которуу үчүн кантип Кыргызстанга чыгарып жатканын көрүүгө болот.

Владимир Петров.


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83