www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg

Бабановду кайрадан саясатка Ташиев алып келеби?

Кызгалдак Жакыпова 03-декабрь 2019, 10:00

Саясат


Бабановду кайрадан саясатка Ташиев алып келеби?

Шайлоолордун шарданы башталаарга жакын, кайрадан эски "ажырашкандардын" биригиши болуп калуусу таң калууну деле жаратпайт. Буга чейин ондогон партия, саясатчылар ар кандай кызыкчылыктар менен биригип кайра ажырашып, табышкандыр бар. Бул саам келээрки шайлоонун алдындагы ажырашып табышкандардын сап башын же тушоосун Ташиев менен Бабанов баштап берет окшоп калды. Улам эрден чыккан немедей, эдирендеп кетип алып, кайра мактап канатына калкалай берип, жүзү калбаган Камчы акебиз, бул саам деле шайлоонун оюнчук эмес экенин эске алдыбы, айтор акчалуу деген Бабановдун "багелегине" байланып жатканын өзү ачыктап салды. Маалымат булактарынын бирине берген маегинде:

"2010-жылы "Ата-Журт" партиясы шайлоодо биринчи орунду алса, 2015-жылы "Республика-"Ата-Журт" биригип экинчи орунду камсыздады. 2020-жылдагы шайлоого так эле "Ата-Журт" партиясынын тегерегинде эле барабыз. Бирок, ачык эле айтышыбыз керек, так эле "Ата-Журт" партиясынын жалгыз барышы да кыйын.

Мүмкүн, ошол эле "Республика-"Ата-Журт" партиясы менендир, аны жакында айтыбыз. Анын үстүнө Өмүрбек Бабанов да келип кадды. Жакындан сүйлөiүп жатабыз. Бабанов "азырынча саясатка кайтпайм" деп катуу карманып турат. Турмуш ар кандай өзгөртүүлөрдү киргизиши мүмкүн"-деген анда Ташиев.

Үмүтсүз шайтан дегендей, Ташиевдин үмүтү азырынча дале болсо Бабановдо экени жашыруун деле болгон жок. Эртең элдешип, "Ташиев болбой жатат" деп Бабановду кайрадан саясаттан көрүп калышыбыз, таң калтырбайт деле. Кайсыл бир саамга тыным алганы, айтканын актабаса да, Ташиев айтмакчы турмуштун туташ фокустары эмнени гана кылбайт.

Чыңдаса саясатта, Бабановго Ташиевдей "республикачыларынын" бир тобу да күйгөн жок. Жамандап алып, башына мүшкүл иш түшкөндө колдоп коюу саясатта оюнчук иш эмес.

Булак: Факты.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83