Башкы кеңсеси Бишкекте жайгашкан “NewTV” телеканалынын журналисти Дүйшөн Шаршенбеков менен оператор Калыбек Абдумомутовго, айдоочу Курсантбек Мартикеевге кол салуу болду. Алар Жер пайдалануу жана курулуш башкармалыгынын кызматкерлери, “Тазалык” муниципалдык ишканасы менен мыйзамсыз орнотулган объектилерди тартуу үчүн барышкан.

Мыйзамсыз жайдын ээси алардын колундагы камерасын талкалап, автоунаасы менен сүзүп, окуя болгон жерден качып кеткен.

Маалыматтарга ылайык, Жер пайдалануу жана курулуш башкармалыгы менен “Тазалык” муниципалдык ишканасы "Ак-Ордо" конушундагы мыйзамсыз курулган автоунаанын майын алмаштыруучу жайды түрттүрүү үчүн барышкан. 

Учурда укук коргоо органдары тарабынан журналисттерге кол салуу боюнча териштирүү иштери башталды.