www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg

Алмазбек Атамбаев: "Сооронбай Жээнбеков өзүн пиар кылганды билбейт, жадагалса өзү жасаган иштерди да айтып бере албайт. Ошондуктан мен аны пиар кылып жатам"

Камчыбек Бостон 28-июнь 2017, 09:17

Саясат


Алмазбек Атамбаев: "Сооронбай Жээнбеков өзүн пиар кылганды билбейт, жадагалса өзү жасаган иштерди да айтып бере албайт. Ошондуктан мен аны пиар кылып жатам"

Россияга сапарын аяктап жаткан Алмаз Атамбаевден 24-июнда, Казан шаарында журналисттер «СДПК президенттикке сүрөп жаткан Сооронбай Жээнбековдун талапкердиги жеке сиздин, өзүңүздүн эле тандооңуз эмеспи?” деп сурашты. Бул тууралу akipress маалымат агенттиги жазып чыкты.
“Жок, социал-демократтар Сооронбай Жээнбековду 20 жылдан ашык убакыттан бери билишет. Мен силерге баары эле биле бербеген, бирок мен байкаган бир эле окуяны айтып берейин. 2010-жылы Сооронбай Жээнбеков ар түрдүү күчтөрдүн башын бириктирип, автомат менен келишкен Бакиевдерди Ош менен Жалал-Абаддан кууп чыккан. Бирок, Жээнбековдо бир минус бар. Ал өзүн-өзү пиар кылалбайт. Жадагалса өзү жасаган иштерди да айтып бере албайт. Ошондуктан анын ордуна мен айтып берип жатам. Анын өлкөнү бириктирүү, СДПК партиясын калыптандыруу боюнча салымы баа жеткис. Өтө кыйын кырдаалдарда дайыма менин жанымда болду. Алтургай анын жакындары бизге каршы болгондо да ал аларды укпай, дайыма социал-демократтар менен бирге болуп, Акаев менен Бакиевге каршы чыгып жүрдү. Болгону өзүн пиар кылганды билбейт, жөн гана иштей берет. Бул Кыргызстан үчүн жакшы деп ойлойм”, – деп жооп берди Алмаз Атамбаев

Булак: "kyrgyztoday.kg"


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83