www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg

Сүрөт - Кыргызпатентте кыска мөөнөттүү окутуу курстарынын угуучуларына сертификаттар тапшырылды

Айдар Нуралиев 30-июнь 2017, 22:18

Коом


Сүрөт - Кыргызпатентте кыска мөөнөттүү окутуу курстарынын угуучуларына сертификаттар тапшырылды

2017-жылдын 30-июнунда Кыргыз Республикасынын Өкмөтүнө караштуу Интеллектуалдык менчик жана инновациялар мамлекеттик кызматында (Кыргызпатент) интеллектуалдык менчик объектилерин укуктук коргоо боюнча квалификацияны жогорулатуучу кыска мөөнөттүү окутуу курстарынын 33 угууучуларына сертификаттар тапшырылды.

Интеллектуалдык менчик объектилерин укуктук коргоо, интеллектуалдык менчик объектилерин сактоо, интеллектуалдык менчик объектилерин каттоого өтүнмөлөрдү тариздөө жана берүү эрежелери, авторлордун мүлктүк укуктарын жамааттык башкаруу жана Кыргыз Республикасынын инновациялык тутуму түшүнүгү маселелери боюнча билим деңгээлин жогорулатуу кыска мөөнөттүү окутуу курстарынын максаты болуп саналат.

2017-жылдын 28-30-июнунда өткөн курстарда лекторлор интеллектуалдык менчик тутуму, эл аралык келишимдер, интеллектуалдык менчик объектилерин укуктук коргоо жана сактоо ыкмалары, автордук жана чектеш укуктар жаатындагы укук бузууларга тыюу салуу жана Кыргыз Республикасында контрафактык продукциянын мыйзамсыз жүгүртүүгө каршы аракет жүргүзүү жөнүндө баяндама жасашты.

Курстардын соңунда Кыргызпатенттин төрагасы Досалы Эсеналиев угуучуларга курстан өткөндүгү жөнүндө сертификаттарды тапшырды жана мындан ары кызматташтыкты улантуу жөнүндө каалоосун билдирди.

“Күн сайын силер менен бизди бардык жерде интеллектуалдык ишмердиктин натыйжасы курчап турат. Бул биз кийген кийимдер, биз сатып алган продуктылар, белгилүү товардык белгилер жана жарнамалык продукциялар, биз колдонгон интеллектуалдык ишмердиктин натыйжасы болуп саналуучу технологиялар. Руханий өнүгүүнү дагы интеллектуалдык ишмердиктин продуктуларын колдонбой элестетүү мүмкүн эмес, алар адабий чыгармаларда, музыкада, кинодо жана башкаларда чагылдырылат”, - деди ал.

КРнын Өкмөтүнө караштуу Экономикалык кылмыштар менен күрөшүү мамлекеттик кызматынын жана Бажы кызматынын кызматкерлери, ЖОЖдордун окутуучулары жана УИАнын өкүлдөрү курстун угуучулары болушту.

Курстар 2017-жылы Кыргызстанда өткөрүлө турган “Антиконтрафакт-2017” Эл аралык форумун утурлаган иш-чаралардын алкагында болуп өттү.

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83