www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Forbes журналы Кыргызстанды 2017-жылдагы капчыгы чектелүү туристтер үчүн эң ынгайлуу туристтик өлкөлөрдүн катарына кошту

Гүлжан Шерипбаева 31-декабрь 2016, 10:02

Экономика


Forbes журналы Кыргызстанды 2017-жылдагы капчыгы чектелүү туристтер үчүн эң ынгайлуу туристтик өлкөлөрдүн катарына кошту
Америкалык каржы-экономикалык Forbes журналы Кыргызстанды 2017-жылдагы эң мыкты бюджеттик багыттагы туристтик өлкөлөрдүн катарына кошту. Тизмеде 17 өлкөдөгү 21 багыт көрсөтүлгөн. Баянда Кыргызстан жаңы туристтик багыт катары сыпатталат.

Басылма Кыргызстандын 93 пайызын тоолор ээлей тургандыгын, бай тарых жана маданиятка ээ экендигин жазган. Бишкек – Улуу Жибек жолунан мураска калган калаа катары Борбор Азияны иликтөө үчүн эң мыкты борбор деп белгиленген.

Журнал капчыгы чектелүү туристтер үчүн Кыргызстан эң ынгайлуу өлкө катары эскерилет. Шаарда мейманкана үчүн бир түнгө болгону 15 доллар төлөөгө болот. Жакшы тамактанууну баасы – 2 доллардан башталат. Атүгүл салттуу бой үйдө калып, эки маал тамактануу бир киши үчүн болгону 20 долларды түзөрү жазылган.

Тизмеде мындан тышкары Португалия, Түштүк Корея, Румыния, Түштүк Африка, Греция, Филиппины, Австралия, Тринидад жана Тобаго, Словакия, Грузия, Лаос, Египет, Боливия, Юта штаты, Гватемала, Белиз жана Гондурас бар.

Буга чейин National Geographic, Financial Times, The Guardian жана Business Insider Кыргызстан 2016-жылы туристер бара турчу эң ынгайлуу өлкө экенин жазышкан болчу.

Булак: “Борбор Азия жаңылыктар кызматы”

Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83